Sontevrede

Net‘n doek,
‘n paar kwaste..
parfuumsmaak van lynsaad
en soet terpentyn wat pigmente
dan aanspoor..
om brandend die Afrikason
te vermaak

Geen sprake van rede,
of rus vir my siel.
Tog, voelvry tevrede,
as iemand kom drink
by my arbeidsfontein.

Reguit lyn,
Skewe sirkel..
Vertroue word twyfel
En soet-suur die wyn wat verdowend
vernietig..
En woedend my Afrika siel
Wil vertaal.

Gewraakte verlede,
Sadis in my siel..
Tog, voel ek tevrede,
As ek maar net dink
aan my Afrikason.